Lənkəranda avtomobil 15 yaşlı oğlanı vurub

Ələt-Astara yolunda yol qəzası baş verib. Avtosfer.az-ın APA-ya istinadən xəbərinə görə, hadisə Lənkəran rayonunun Şirinsu kəndi ərazisində qeydə alınıb. Kənd sakini, 2002-ci il təvəllüdlü Fərzizadə Fuad Cəbrayıl oğlunu yolu keçmək istəyərkən maşın vurub. Lənkəran Mərkəzi Rayon Xəstəxanasına yerləşdirilən 15 yaşlı oğlanın vəziyyəti orta ağır qiymətləndirilir. Faktla bağlı araşdırma aparılır.