Lənkəranda avtomobil kanala düşdü - FOTO

Qarlı hava şəraiti Lənkəranda yol-nəqliyyat hadisəsinə səbəb olub. Avtosfer.az apa-ya istinadən xəbər verir ki, hadisə Lənkəran-Boradigah şosesinin Girdəni kəndi ərazisində qeydə alınıb. Verəvul kənd sakini, 1966-cı il təvəllüdlü Rafael   Yusifov idarə etdiyi “VAZ 2109” markalı, 42 BE 909 dövlət nömrə nişanlı avtomaşını ilə  hərəkətdə olarkən idarəetməni itirərək avtomaşına kanala aşırıb. Sürücü xəsarət almayıb. Hadisəyə yolun qarlı olmasının səbəb olduğu bildirilir. Faktla bağlı araşdırma aparılır.