Lənkəranda avtomobil körpüdən aşdı: 5 polis ağır yaralandı - VİDEO

Minik avtomobilinin körpüdən aşması nəticəsində 5 nəfər polis əməkdaşı xəsarət alıb.

Hadisə ötən gecə Lənkəranın Osaküçə kəndində baş verib. Minik avtomobilinin sürücüsü sükana nəzarəti itirb və maşın körpüdən aşıb. Avtomobildə olanlardan birinin vəziyyəti normaldır. Digər 4 nəfər, Masallı sakinləri - Vüsal Məmmədli, Əlizamin Rzayev, Elşad Məmmədov və Fərrrux Niftiyev isə kənd sakinlərinin köməyi ilə avtomobildən çıxarılaraq Lənkəran Mərkəzi Rayon Xəstəxanasına çatdırılıblar. Xəsarət alanların hamısı Masallı mühafizə polisinin əməkdaşlarıdır.

Şəmkirdə baş verən qəzada isə 4 nəfər xəsarət alıb. Bakıdan Qazax istiqamətində hərəkətdə olan minik avtomobilinin sürücüsü idarəetməni itirib və maşın yol ayrıcındakı dəmir maneəyə çırpılıb. Sürücü xəsarət almayıb. Sərnişinlərdən 5 yaşlı Nəzrin və 7 yaşlı Nihad Gəncə şəhər 2 saylı Birləşmiş Uşaq Xəstəxanasına, İlhamə Nuriyeva və Təhminə Abdullayeva isə Gəncə şəhər Təcili Tibbi Yardım xəstəxanasına yerləşdiriliblər. Azyaşlıların vəziyyəti normal olsa da, hər iki qadının müalicəsi davam etdirilir. Hər iki faktla bağlı araşdırma aparılır.