Lənkəranda maşın inəklə toqquşub, sürücü xəsarət alıb

Lənkəran rayonunda yol-nəqliyyat qəzası baş verib. Avtosfer.az xəbər verir ki, bu barədə APA-nın verdiyi məlumata görə, hadisə iyunun 30-da səhər saatlarında Lənkəran-Boradigah şose yolunun rayonun Şağlaser kəndi ərazisindən keçən hissəsində qeydə alınıb. Lənkəranın Separadi kənd sakininin idarə etdiyi minik avtomobili kənd sakini Xurşud Cabbarova məxsus inəyə çırpılıb. Güclü zərbədən inək tələf olub, maşın zədələnib. Xəsarət alan sürücü ətrafdakıların müdaxiləsindən sonra avtomobildən çıxarılaraq Lənkəran Mərkəzi Rayon Xəstəxanasına aparılıb.

Faktla bağlı araşdırma aparılır.