Lənkəranda QƏZA: 3 nəfər xəsarət aldı

Lənkəranda 3 nəfərin xəsarət alması ilə nəticələnən yol-nəqliyyat hadisəsi baş verib.

Avtosfer.az azərtac-a istinadən xəbər verir ki, qəza Lənkəranın Liman qəsəbəsində qeydə alınıb.

Bakı istiqamətində hərəkətdə olan “Kia Ceed” markalı avtomobil qarşı tərəfdən gələn “Opel” markalı avtomobillə toqquşub.

Qəza nəticəsində “Kia Ceed”də olan 3 nəfər Cəlilabad sakini - Büsal Seymur oğlu Şahbazov, Sadiq Əlizamin oğlu Heydərov və Adil Camal oğlu Əliyev xəsarət alıb.

Yaralılar xəstəxanaya yerləşdiriliblər.

Faktla bağlı araşdırma aparılır.