Liviya sahillərində qayığ batdı: 50 ölü

Liviya sahillərində qayığın qəzaya uğraması nəticəsində azı 50 miqrant həlak olub. Avtosfer.az "Report"a istinadən xəbər verir ki, bu barədə İtaliyanın "Repubblica" qəzeti Tripolinin Sahil Mühafizəsinə istinadən məlumat yayıb.

Nəşrin xəbərinə görə, Liviyanın Sahil Mühafizəsi çərşənbə axşamı eyni vaxtda göyərtəsində 300-ə qədər insanın olduğu 3 qayığın köməyinə gəlib. Xilasedicilərin gəlişinə qədər qayıqlardan biri batıb. Ondan 16 sərnişin xilas edilib.

Sağ qalan şahidlərin sözlərinə görə, qayığın qəzaya uğraması nəticəsində azı 50 qaçqın ölüb.

Liviyanın Sahil Mühafizəsinin rəhbəri Nəsra əl-Kamud bilddirib ki, miqrantlar yerli vaxtla saat 10-da aşkarlanıblar. "Təəssüf ki, biz digər sağ qalanları, nə də onların cəsədlərini aşkarlaya bildik", - deyə o bildirib.