Lökbatanda idarəetmədən çıxan “07” yük maşınına çırpıldı - VİDEO

Qaradağ rayonu Lökbatan qəsəbəsində yol-nəqliyyat hadisəsi baş verib.
Avtosfer.az-ın məlumatına görə, qəza bir neçə gün əvvəl səhər saatlarında qeydə alınıb. Belə ki, hərəkətdə olan 99-KF-641 dövlət nömrə nişanlı “VAZ-2107” markalı avtomobil, 99-HG-172 dövlət nömrə nişanlı “Mercedes Atego” markalı yük maşınıyla toqquşub. İddiaya əsasən, qəzaya səbəb “VAZ” sürücüsünün sürət həddini aşması olub. Nəticədə o, öndəki yük maşınına çırpılaraq yararsız vəziyyətə düşüb. Xoşbəxtlikdən sürücü və avtomobildə olan sərnişin xəsarət almayıb.
Qeyd edək ki, hadisə yerinə DYP əməkdaşı cəlb olunub. Faktla bağlı araşdırma aparılır.

Nərmin