“M2” avtomobil yolunda ağır yol qəzası; 4 ölü, 4 yaralı – FOTO

İki nəqliyyat vasitəsinin iştirakı ilə ağır yol qəzası olub. Avtosfer.az xəbər verir ki, hadisə avqustun 22-də Rusiyanın Oryol vilayətində baş verib.

Məlumata görə, M2 “Krım” avtomobil yolunun 402-ci kilometrliyində “Lada Vesta” markalı minik və “Qazel” markalı yük avtomobillər toqquşub. Zərbənin təsirindən minik avtomobili yol kənarına düşüb.

Qəza nəticəsində 4 nəfər ölüb, 4 nəfər isə xəsarət alıb.

Hadisənin həm yolun yaş olması, həm də avtomobillərdən birinin əks zolağa çıxması səbəbindən baş verdiyi bildirilir.

Hazırda faktla bağlı cinayət işi açılıb, araşdırma aparılır.

Namiq Musayev