Marketdən çörək almağa gedən qadını avtomobil vurdu - Bakıda

Bakıda marketdən çörək almağa gedən qadını avtomobil vurub. Avtosfer.Az-ın "Report"a istinadən xəbərinə görə, hadisə Suraxanı rayonunda qeydə alınıb. Belə ki, Ramana qəsəbəsi, Samir Əliyev küçəsində mağazadan çörək almaq üçün yolu keçən 1961-ci il təvəllüdlü Quliyeva Minayə Qasım qızını avtomobil vurub. M.Quliyeva ağır xəsarət alıb və huşunu itirib. Minik avtomobilinin sürücüsü yaralı qadını xəstəxanaya yerləşdirib. Faktla bağlı araşdırma aparılır.