Marşrut avtobusu ağaca çırpılıb, 17 sərnişin xəsarət alıb

Almaniyanın Hamburq şəhərində marşrut avtobusu qəzaya uğrayıb.

Avtosfer.az AZƏRTAC-a istinadla xəbər verir ki, avtobus yol kənarında park edilmiş iki avtomobillə toqquşduqdan sonra ağaca çırpılıb.

Qəza nəticəsində 17 nəfər xəsarət alıb. Onlardan ikisinin vəziyyətinin ağır olduğu bildirilir.

Hadisəyə sürücünün səhhətində qəfil yaranmış problemin səbəb olduğu bildirilir.