Marşrut avtobusu ilə yük maşını toqquşdu: 3 ölü

Rusiyanın Pyatiqorsk şəhərində (Stavropol diyarı) bu səhər marşrut avtobusu ilə yük maşınının toqquşması nəticəsində 3 nəfər ölüb. Avtosfer.az-ın salamnews-a istinadən xəbərinə görə, bu barədə TASS-a Yol Hərəkəti Təhlükəsizliyinin Dövlət İnspeksiyası diyar idarəsinin Təbliğat şöbəsindən məlumat verilib. “İlkin məlumata əsasən, yol-nəqliyyat hadisəsi nəticəsində 3 nəfər ölüb. Məlumat dəqiqləşdirilir”, - idarədən bildirilib. Rusiya Fövqəladə Hallar Nazirliyinin diyar baş idarəsindən verilən məlumatda qəzanın Moskva vaxtı ilə saat 08:29-da “Pyatiqorsk-Qeorqiyevsk” yolu ilə Şosseynaya küçəsinin kəsişməsində baş verdiyi deyilir.