Masallıda avtomobil aşdı: ər-arvad ağır xəsarət alıb - FOTO

Masallı rayonunda avtomaşın yoldan çıxaraq aşıb. Avtosfer.az-ın APA-ya istinadən verdiyi məlumata görə, hadisə Ələt-Astara yolunda, Masallının Alvadı kəndi ərazisində qeydə alınıb. Masallının Oncaqala kənd sakini, 1969-cu il təvəllüdlü Yusubov İbad Razdağ oğlunun idarə etdiyi “Opel” markalı,  99 BJ 973 dövlət nömrə nişanlı avtomaşın yoldan çıxaraq ağaca çırpılıb və aşıb. Nəticədə sürücü və onun həyat yoldaşı, 1974-cü il təvəllüdlü Gülsüm Əfsər qızı Fərəcova ağır xəsarət alaraq Masallı rayon Mərkəzi Xəstəxanasına yerləşdiriliblər. İ.Yusubovun vəziyyətinin ağır olduğu deyilir. Fakt araşdırılır.