Masallıda dəhşətli qəza: iki nəfər öldü

Masallı rayonunda ölümlə nəticələnən yol qəzası baş verib. Milli.Az DİN-in saytına istinadən bildirir ki, hadisə rayonun Musaküçə kəndi ərazisində qeydə alınıb. Belə ki, Masallı şəhər sakini Cəfər Adamzadənin idarə etdiyi  "İJ-27175" markalı avtomobillə rayon sakini Xalid Eyvazovun idarə etdiyi motosiklet toqquşub. Motosikletin sürücüsü X.Eyvazov və sərnişini Nizami Hilalov hadisə yerində ölüb. C.Adamzadə isə müxəlif dərəcəli bədən xəsarətləri alaraq Masallı Rayon Mərkəzi Xəstəxanasına yerləşdirilib.

Faktla bağlı  Baş İstintaq və Təhqiqat İdarəsi tərəfindən araşdırma aparılır.