Masallıda iki maşın toqquşub, ölən var - VİDEO

Masallıda baş verən qəzada piyada ölüb.

Avtosfer.az-ın APA-ya istinadən məlumatına görə, bu barədə DİN-in Mətbuat Xidmətinin Lənkəran regional qrupundan bildirilib ki, martın 24-də saat 16 radələrində Masallı rayonunun Ərkivan qəsəbəsi ərazisində Ə.İsayevin idarə etdiyi "Opel" markalı avtomobillə M.Kişiyevin idarə etdiyi "Toyota" markalı avtomobil toqquşub.

Sürücünün idarəetməni itirməsi nəticəsində "Toyota" markalı avtomobil yolun ehtiyat hissəsi ilə hərəkət edən piyada 59 yaşlı Camal Ağayevi vurub.
Piyada aldığı xəsarətlərdən hadisə yerində ölüb.

Araşdırma aparılır.

**

Masallıda yol qəzası olub.

Avtosfer.az-ın verdiyi xəbərə görə, hadisə rayonun Ərçivan-Bədəlan kənd yolunda baş verib. "Opel" markalı avtomobil idarəetmədən çıxaraq divara çırpılıb. Hadisə nəticəsində sürücü xəsarətlər alıb.

Sürücü deformasiyaya uğrayan maşından çıxarılıb və xəstəxanaya aparılıb.

Faktla bağlı araşdırma aparılır.