Masallıda iki nəfərin öldüyü qəzanın DƏHŞƏTLİ GÖRÜNTÜLƏRİ - VİDEO

Masallıda iki nəfərin ölümü ilə nəticələnən ağır yol-nəqliyyat hadisəsi baş verib.

Avtosfer.az xəbər verir ki, hadisə rayonun Ərkivan qəsəbəsi ərazisində qeydə alınıb. Belə ki, Ərkivan qəsəbə sakini, 31 yaşlı Rusif Babayev və Cəlilabad rayon sakini Nikbin Feyzullayevin idarə etdiyi “Mercedes” markalı minik avtomobilləri toqquşub.

Zərbənin təsirindən Rusif Babayevin idarə etdiyi avtomobil yoldan çıxaraq əvvəlcə beton elektrik dirəyinə, daha sonra isə ağaca çırpılıb. Nəticədə sürücü hadisə yerində həyatını itirib.

Avtomobildə sərnişin qismində olan 33 yaşlı Pərvin Həsənov, 23 yaşlı Fərid Qasımov və 34 yaşlı Araz Məmmədzadə təcili tibbi yardım briqadalarının köməyi ilə Masallı Rayon Mərkəzi Xəstəxanasına çatdırılıblar.

Həkimlərin səylərinə baxmayaraq, Araz Məmmədzadənin həyatını xilas etmək mümkün olmayıb.

Faktla bağlı araşdırma aparılır.