Masallıda maşın piyadaları vurdu: 1 ölü, 2 yaralı - FOTO

Masallıda yol-nəqliyyat hadisəsi baş verib. İnsident Qızılavar kəndində qeydə alınıb. “Ford” markalı yük avtomobili 3 nəfəri vurub. Zərərçəkənlər dərhal Masallı rayon Mərkəzi Xəstəxanasına çatdırıblar. Onların şəxsiyyətləri müəyyənləşdirilir.

Vurulan piyadaların kimliyi məlum olub. Bunlar Ərkivan kənd sakinləri, 1979-cu il təvəllüdlü Bədəlov Rüfət Həmdulla oğlu, 1981-ci il təvəllüdlü Həsənov Yunus Eldar oğlu və 1984-cü il təvəllüdlü Tohid Tofiq oğlu İbrahimovdur. Məlumata görə, Bədəlov Rüfətin vəziyyəti ağır kimi qiymətləndirilir.

***

Həkimlərin səylərinə baxmayaraq 1979-cu il təvəllüdlü Bədəlov Rüfət Həmdulla oğlu xəstəxanada keçinib.

Faktla bağlı araşdırma aparılır.

APA