"Maşın ağaca və işıq dirəyinə çırpıldı, 50 metr sürüşdü - FOTO

Mingəçevirdə yol nəqliyyat hadisəsi baş verib. Avtosfer.az eltv-yə istinadən xəbər verir ki, hadisə şəhərin Heydər Əliyev prospektində baş verib. Gədəbəy rayon sakini Habil Əli oğlu Rəhimov "VAZ-2107" markalı avtomobillə avtovağzal istiqamətində hərəkətdə olarkən idarəetməni itirib. Nəticədə, avtomobil əvvəlcə ağaca, sonra isə işıq dirəyinə çırpılaraq təxminən 50 metrə yaxın məsafədə sürüşüb. Toqquşmanın təsirindən avtomobil yararsız hala düşüb. Xəsarət alan 1992-ci il təvəllüdlü Aytən Fəramiz qızı Rəhimova aldığı bədən xəsarətləri səbəbindən Mingəçevir Şəhər Mərkəzi Xəstəxanasına yerləşdirilib.

Faktla bağlı Mingəçevir Şəhər Polis Şöbəsində araşdırma aparılır.