Maşın dərəyə aşıb, 4 nəfər yaralanıb - Xızıda

Xızı rayonunda 4 nəfərin xəsarət alması ilə nəticələnən yol-nəqliyyat hadisəsi baş verib. Avtosfer.az xəbər verir ki, bu barədə Daxili İşlər Nazirliyinin (DİN) mətbuat xidməti məlumat yayıb. 

Xızı rayonunun Səyyadlar kəndində rayon sakini Nurəddin Abdullayev idarə etdiyi "TOFAŞ" markalı avtomobili dərəyə aşırıb. 

Nəticədə, sürücü və onun üç sərnişini müxtəlif dərəcəli bədən xəsarətləri alaraq xəstəxanaya yerləşdirilib.

Faktla bağlı Xızı Rayon Polis Şöbəsi (RPŞ) tərəfindən araşdırma aparılır.