Maşın dirəyə çırpıldı: 2 yaralı - Göyçayda

Göyçayda yol qəzası baş verib. Avtosfer.az-ın Trend-ə istinadən məlumatına görə, hadisə rayon mərkəzində qeydə alınıb. Rayonun Bığır kənd sakini, 1990-cı il təvəllüdlü Qafarov Valeh Bəhmən oğlu "VAZ" markalı avtomobili idarə edərkən idarəetməni itirib və yolun kənarındakı dirəyə çırpılıb. Hadisə nəticəsində V.Qafarov və sərnişini, əmisi oğlu 1998-ci il təvəllüdlü Qafarov Ruslan Əvəz oğlu müxtəlif bədən xəsarətləri ilə xəstəxanaya yerləşdirilib. Məlumata görə, hadisəyə səbəb yüksək sürət olub. Faktla bağlı Göyçay rayon Polis Şöbəsində araşdırma aparılır.