Maşın iki piyadanı vuraraq öldürdü - Bakıda

Bakıda piyadaların vurulması ilə nəticələnən yol qəzaları baş verib. Daxili İşlər Nazirliyinin mətbuat xidmətindən Avtosfer.az-a verilən məlumata görə, yanvarın 20-də saat 19 radələrində Xəzər rayonunun Qala qəsəbəsində Bakı şəhər sakini Ədalət Abdullayev idarə etdiyi "Toyota" markalı avtomobillə yolu keçən qəsəbə sakini Əsmər Əliyevanı vurub, nəticədə piyada hadisə yerində ölüb.   

Digər hadisə elə həmin gün Sabunçu rayonunun Ramana qəsəbəsində baş verib.

Bakı şəhər sakini Namiq Ələsgərov idarə etdiyi "Renault" markalı avtomobillə yolu keçən qəsəbə sakini Şəfa Səmədovanı vurub, piyada hadisə yerində ölüb.

Hər iki faktla bağlı araşdırma aparılır.