Maşın kanala aşdı: sürücü ölüb - Şəmkirdə

Şəmkirdə ölümlə nəticələnən avtomobil qəzası baş verib. Avtosfer.az apa-ya istinadən xəbər verir ki, hadisə rayonun Seyfəli kəndi ərazisində qeydə alınıb. Rayon sakini, 1962-ci il təvəllüdlü Fəxrəddin Abbasovun idarə etdiyi “VAZ 21011” markalı avtomobil kanala aşıb. Hadisə zamanı sürücü ölüb. Hadisə yerinə Şəmkir Yanğından Mühafizə Hissəsinin xilasediciləri cəlb edilib, avtomobil və sürücünün meyiti sudan çıxarılıb. Faktla bağlı araşdırma aparılır.