Maşın piyadanı vurub öldürdü

İmişli. Əlibəy Zeynallı-APA. İmişlidə baş verən yol-nəqliyyat hadisəsində piyada ölüb. APA-nın məlumatına görə, hadisə 21.30 radələrində İmişli şəhərinin H.Əliyev prospektində qeydə alınıb. İmişli sakini, 1995-ci il təvəllüdlü Həsənli Adil Aqil oğlu İdarə etdiyi “SANGAM” markalı 99 AF 979 dövlət nömrə nişanlı avtomobillə yolu keçən İmişli rayon sakini, 1982-ci il təvəllüdlü Tarverdiyev Vüsal Eyvaz oğlunu vurub. Müxtəlif bədən xəsarətləri alan V.Tarverdiyev İmişli rayon xəstəxanasına çatdırılsa da, onun həyatını xilas etmək mümkün olmayıb.

Faktla bağlı İmişli rayon polis şöbəsində araşdırma aparılır.