Maşın sərxoş velosipedçini vurub öldürdü - FOTO

Axşam saatlarında Ələt-Astara magistralının Lənkəran rayonunun Gərmətük kəndi ərazisindən keçən hissəsində velosipedçinin vurulması ilə nəticələnən yol-nəqliyyat hadisəsi baş verib. Avtosfer.az "Report"a istinadən xəbər verir ki, 42-BP-277 dövlət qeydiyyat nişanlı "Volkswagen" markalı avtomobili idarə edən Kamran Hüseynov velosipeddə olan təqribən 25-26 yaşlı Xəlilov Zamin Aftandil oğlunu vurub. Sürücü yaralını Lənkəran Rayon Mərkəzi Xəstəxanasına aparıb. Z.Xəlilovun vəziyyəti ağır olduğundan o, Reanimasiya şöbəsinə yerləşdirilib. Velosipedçinin içkili vəziyyətdə olduğu bildirilir.

***

Velosipedçi xəstəxanada dünyasını dəyişib. Sürücü tərəfindən xəstəxanaya çatdırılan yaralının həyatını xilas etmək mümkün olmayıb.

Faktla bağlı araşdırma aparılır.