Maşın sürüşərək ağaca dəydi: Polis əməkdaşı dünyasını dəyişdi

Hadisə dünən Antalyanın Konyaaltı mahalı Öğretmenevleri Məhəlləsindəki Atatürk Bulvarında baş verib.

Avtosfer.az türk mediyasına istinadən xəbər verir ki, Kəpəz Məişət Zorakılığı və Qadın Zorakılığına Qarşı Mübarizə Bürosunda xidmətdə olan polis əməkdaşı Yasin Turan idarə etdiyi 07 EHC 61 dövlət nömrə nişanlı avtomobilin idarəetməsini itirib.

Sürüşən avtomobil səkidəki fidanları qıraraq, dayanmadan yol kənarındakı yerləşən bağdakı ağaca çırpılıb.

Şahidlərin qəza barədə məlumat verməsindən sonra hadisə yerinə tibbi qruplar göndərilib.

Avtomobildə sıxılmış vəziyyətdə qalan Yasin Turan yanğınsöndürənlər tərəfindən xilas edilib. Ağır yaralanan Yasin Turan həkim qrupunun müdaxiləsindən sonra yaxınlıqdakı özəl xəstəxanaya aparılıb.

Xəstəxanada müalicə alan Yasin Turan saat 01:30 radələrində həyatını itirib. Qəza ilə bağlı araşdırmalara başlanılıb.(sonxeber.az)