Maşın vuran piyadanın ayaqları sınıb - Bakıda

Bakının Sabunçu rayonunda piyadanın vurulması ilə nəticələnən yol–nəqliyyat hadisəsi baş verib. Avtosfer.az "Report"a istinadən xəbər verir ki, hadisə Ramana qəsəbəsindəki Şuşa şəhərciyi ərazisində qeydə alınıb. Yolu keçmək istəyən 1981-ci il təvəllüdlü Rzayev Bəhrüz Qurban oğlunu minik avtomobili vurub. O, sürücü tərəfindən xəstəxanaya yerləşdirilib. Həkimlərin məlumatına görə, yaralı hər iki ayağından açıq sınıq xəsarətləri alıb. Onun vəziyyəti orta-ağır kimi qiymətləndirilir.