Maşın yaşlı piyadanı vuraraq ağır xəsarət yetirib

Mingəçevirdə piyadanın vurulması ilə nəticələnən yol-nəqliyyat hadisəsi baş verib. Hadisə şəhərin Nizami küçəsi ilə Heydər Əliyev prospektinin kəsişdiyi ərazidəki məhəllədə qeydə alınıb. "AtaBank”ın yerli flialının arxasından Nizami küçəsinə çıxmaq istəyən “Mercedes” markalı avtomobil 1959-cu il təvəllüdlü məhəllə sakini İsmayılov Şahmurad Məhərrəm oğlunu vuraraq ağır bədən xəsarəti yetirib. Yaralı ətrafdakıların köməkliyi ilə xəstəxanaya çatdırılıb, vəziyyəti kafidir.

Baş vermiş hadisə ilə bağlı araşdırma aparılır.

"Report”