Maşını arxaya verərkən piyadanı vurdu

Lənkəranda ehtiyatsızlıqdan piyadanın vurulması ilə nəticələnən yol-nəqliyyat hadisəsi baş verib. APA-nın məlumatına görə, hadisə bu gün saat 18.00 radələrində şəhərin Böyük Bazar ərazisində qeydə alınıb. Sərnişin mikroavtobusun sürücüsü nəqliyyat vasitəsini arxa istiqamətə verərkən rayonun Şilavar kənd sakini, 1961-ci il təvəllüdlü Şahnaz Hüseyn qızı Hüseynovanı vurub. Müxtəlif dərəcəli bədən xəsarətləri alan Ş. Hüseynova Lənkəran Mərkəzi Rayon Xəstəxanasının reanimasiya şöbəsinə yerləşdirilib.

Faktla bağlı araşdırma aparılır