Maşının aşması nəticəsində Azərbaycan vətəndaşı xəsarət alıb - Rusiyada

Ötən gecə Rusiyanın Saratov vilayətində baş verən yol qəzasında Azərbaycan vətəndaşı xəsarət alıb. Avtosfer.az "Report"a istinadən xəbər verir ki, azərbaycanlıya ilkin tibbi yardım göstərildikdən sonra o, ambulator müalicə üçün evə buraxılıb. Qəza sürücünün idarəetməni itirməsi nəticəsində baş verib və avtomobil aşıb. Hadisə zamanı, həmçinin iki Qırğızıstan vətəndaşı yaralanıb. Onlardan biri xəstəxanaya yerləşdirilib, digərinin xəsarəti yüngül olduğundan o da ambulator müalicəyə buraxılıb. Avtomobili onlardan hansının idarə etdiyi məlum deyil.