Maşının vurduğu 12 yaşlı oğlan xəstəxanada öldü

Bakı-Qazax magistralının Hacıqabul rayonu ərazisindən keçən hissəsində avtomobillə vurulan piyada reanimasiya şöbəsində ölüb. Avtosfer.az-ın APA-ya istinadən məlumatına görə, Bakı-Qazax yolunun Hacıqabul rayonu Nəvahi qəsəbəsindən keçən hissəsində 2005-ci il təvəllüdlü Ağamalıyev Ramil Rəfayət oğlu Bakı şəhər sakini, Elmar Cəbrinin idarə etdiyi “Tavriya” markalı 10 LH 551 dövlət nömrə nişanlı avtomobil tərəfindən vurulub. Ağır xəsarətlər alan yaralı uşaq Şirvan Şəhər Xəstəxanasının reanimasiya şöbəsinə yerləşdirilib və həkimlərin səyinə baxmayaraq uşağın həyatını xilas etmək mümkün olmayıb.

Faktla bağlı BDYPİ tərəfindən araşdırma aparılır.