Maşınla qadını vurub qaçan sürücü tutuldu - Bakıda

Bakıda piyadanı vurub qaçan sürücü tutulub. Avtosfer.az Daxili İşlər Nazirliyinin saytına istinadən xəbər verir ki, iyunun 26-da saat 16 radələrində Suraxanı rayonunun Əmircan qəsəbəsində müəyyən edilməmiş avtomobillə yolu keçən Bakı şəhər sakini Nigar Xəlilova vurulub. Ona xəstəxanada ilkin tibbi yardım göstərildikdən sonra buraxılıb. Suraxanı RPİ 31-ci PB əməkdaşlarının həyata keçirdikləri əməliyyat-axtarış tədbirləri ilə hadisəni törətməkdə şübhəli bilinən “VAZ-21114” markalı avtomobilin sürücüsü - Bakı şəhər sakini Rövşən Əliyev saxlanılıb.

Suraxanı RPİ tərəfindən araşdırma aparılır.

Fərid