Maşınla vurulan piyada xəstəxanada öldü - Bakıda

Bakıda piyada minik avtomobili tərəfindən vurulub. Avtosfer.az-ın Daxili İşlər Nazirliyinin saytına istinadən verdiyi məlumata görə, hadisə dünən paytaxtın Yasamal rayonunda saat 12.00 radələrində baş verib. Bakı şəhər sakini Elnur Nəsirov idarə etdiyi "Mercedes" markalı avtomobillə yolu keçən paytaxt sakini Svetlana Turkinanı vurub. Nəticədə xəstəxanaya yerləşdirilən piyada orada ölüb. Yasamal RPİ tərəfindən araşdırma aparılır.