Maşınların toqquşması nəticəsində 2 nəfər xəsarət alıb

Bakı-Qazax avtomobil yolunda 2 nəfərin xəsarət alması ilə nəticələnən yol qəzası baş verib. Avtosfer.az-ın "Report"a istinadən məlumatına görə, yolun Şəmkir rayon Mahmudlu kəndi ərazisindən keçən hissəsində "VAZ-2107" markalı avtomobil ilə "VAZ" markalı başqa bir maşın toqquşub. Nəticədə 2 nəfər - 1957-ci il təvəllüdlü Gəncə şəhər sakini Usubova Sahibə İsfəndiyar qızı və 1987-ci il təvəllüdlü Nidxun Nadir oğlu İsmayılov müxtəlif bədən xəsarətləri alıb.

Hadisə ilə bağlı Baş Dövlət Yol Polisi İdarəsində araşdırmalara başlanılıb.