Maştağada sürücü öncə “Hyundai”ı vurdu, ardınca işıq dirəyinə çırpıldı - VİDEO

Paytaxtın Sabunçu rayonu, Maştağa kəndində yol-nəqliyyat hadisəsi baş verib.

Avtosfer.az-ın məlumatına görə, qəza mayın 29-da günorta saatlarında qeydə alınıb. Belə ki, hərəkətdə olan “KIA” markalı maşın, “Hyundai” markalı avtomobillə toqquşub. Hadisə şahidlərinin iddiasına əsasən, qəzaya səbəb “KIA” sürücüsünün yolayrıcının keçilməsi qaydasını pozması olub. Nəticədə o, hərəkətdə olan maşını vuraraq işıq dirəyinə çırpılıb. Hadisə zamanı xəsarət alan olmasa da hər iki nəqliyyat vasitəsinə maddi ziyan dəyib.

Faktla bağlı araşdırma aparılır. 

Nərmin