Maştağada yoldan çıxan “Cherry” yük maşınının altında qaldı - VİDEO

Paytaxtın Sabunçu rayonu, Maştağa qəsəbəsində yol-nəqliyyat hadisəsi baş verib.

Avtosfer.az-ın məlumatına görə, qəza iyunun 29-da saat 07:08 radələrində qeydə alınıb. Belə ki, hərəkətdə olan “Cherry” markalı maşın yol kənarında dayanmış yük maşınına çırpılıb. Şahidlərin iddiasına əsasən, qəzaya səbəb avtomobilin sürücüsünün anidən idarəetməni itirməsi olub. Nəticədə yük maşınıyla toqquşan maşın yararsız vəziyyətə düşüb, sürücüsü müxtəlif dərəcəli bədən xəsarətləriylə xəstəxana yerləşdirilib.

Qeyd edək ki, faktla bağlı araşdırma davam edir.

Nərmin