Maştağada yük maşını “Chevrolet”i vurub yol kənarına atdı - ANBAAN VİDEO

Maştağa-Zabrat şosesində baş vermiş yol qəzası anbaan təhlükəsizlik kamerasına düşüb.

Avtosfer.az-ın məlumatına görə, hadisə martın 2-də saat 11:09 radələrində qeydə alınıb. Belə ki, 77-GP-360 dövlət nömrə nişanlı “Ford Transit” markalı yük maşını, “Chevrolet” markalı avtomobillə toqquşub. Kadrdan da göründüyü kimi, “Chevrolet”in sürücüsü dönmə işığını yandırmadan və güzgüyə baxmadan sağa manevr edərək yolun çiyninə çıxmaq istəyib. Bu zaman sürət həddini aşan “Ford”un sürücüsü də yol çiyninə çıxaraq hərəkətinə davam edib. Nəticədə o, “Chevrolet”i vuraraq yol kənarına atıb. 

Qeyd edək ki, hadisə zamanı hər iki nəqliyyat vasitəsinə maddi ziyan dəysə də xəsarət alan olmayıb. 

Nərmin