Məhkəmə əməkdaşını maşın vurdu - Bakıda

Hadisə səhər saatlarında qeydə alınıb. Belə ki, Qasımova Könül Zahid qızı Bakıxanov qəsəbəsində yolu keçərkən minik avtomaşını onu vuraraq ərazidən uzaqlaşıb. Zərərçəkən 3 saylı şəhər xəstəxanasına müraciət edib və qadında müxtəlif bədən xəsarətləri aşkar edilib. Könül Qasımova ilkin müayinədən sonra ambulator müalicəyə buraxılıb. Avtosfer.az salamnews-a istinadən xəbər verir ki, Könül Qasımova Suraxanı məhkəməsində dəftərxanada işləyir və hadisədə səhər işə gələn zaman baş verib. Faktla bağlı Sabunçu rayon Polis İdarəsinin Təhqiqat şöbəsində araşdırmalara başlanılıb, zərərçəkmiş dindirilib. Hazırda qadını vurub qaçan avtomobilin müəyyənləşdirilməsi istiqamətində axtarış-əməliyyat tədbirləri aparılır.