Məktəbdən gələn 15 yaşlı qızı maşın vurdu - Ağstafada

Ağstafa rayonunda məkətbdən gələn 15 yaşlı qızı maşın vurub. Avtosfer.az-ın "Report"a istinadən məlumatına görə, hadisə məktəblinin dərsdən çıxdığı zaman baş verib.  Belə ki, rayonun Göycəli kənd sakini, 2002-ci il təvəllüdlü Elnurə Aqil qızı Əliyeva məktəbin qarşısında yolu keçmək istəyən zaman onu avtomobil vurub. E.Əliyevanı sürücü dərhal  Qazax rayon Müalicə Diaqnostika Mərkəzinə çatdırıb.  Diaqnostika Mərkəzindən "Report"un yerli bürosuna bildirlib ki, yaralı əməliyyat edilib, vəziyyəti ağır olaraq qalır.  Faktla bağlı araşdırma aparılır.