Məktəbin hasarına çırpılan “Prius” böyrü üstə aşdı - VİDEO

Sürətlə hərəkət edən sürücü avtomobilini hasara çırparaq aşırıb.
Avtosfer.az-ın məlumatına əsasən, yol-nəqliyyat hadisəsi dünən səhər saatlarında Nərimanov rayonunda baş verib. Belə ki, 99-OS-087 dövlət nömrə nişanlı, “Toyota Prius” markalı avtomobil böyrü üstə aşıb. Hadisə şahidlərinin məlumatına görə, yüksək sürətlə irəliləyən sürücü baş vurduğu lüzumsuz manevrlərlə avtomobili bu hala salıb. Nəticədə yoldan səkiyə çıxan “Prius” 208 saylı orta məktəbin dəmir hasarına çırpılaraq böyrü üstə aşıb. Hadisə zamanı sürücü və yanındakı sərnişin xəsarət almayıb, avtomobil isə yararsız vəziyyətə düşüb. 
Qeyd edək ki, avtomobil evakuator xidmətinin yardımı ilə ərazidən uzaqlaşdırılıb.

Nərmin