"Mercedes" ağaca çırpıldı: sürücü ağır xəsarət alıb - Göyçayda

Göyçay rayonunda ağır yol-nəqliyyat hadisəsi baş verib. APA-nın yerli bürosunun xəbərinə görə, hadisə rayonun Hacıağabəyli kəndi ərazisində qeydə alınıb. Çaxırlı kənd sakini, 1976-cı il təvəllüdlü Abışov Kamran Eyyub oğlunun idarə etdiyi "Mercedes" markalı minik avtomobili yağışlı havada yolun sürüşkən olması səbəbindən yoldan çıxaraq ağaca çırpılıb. Hadisə zamanı ağır bədən xəsarətləri alan Kamran Abışov avtomobildə sıxılmış vəziyyətdə qalıb. O, kənd sakinlərinin köməkliyi ilə avtomobildən çıxarılaraq Göyçay rayon Mərkəzi Xəstəxanasına çatdırılıb. Faktla bağlı Göyçay rayon Polis Şöbəsi tərəfindən araşdırma aparılır.