"Mercedes" avtobusla toqquşdu: Yaralananlar var - FOTO

Naxçıvanda üç nəfərin xəsarət alması ilə nəticələnən yol-nəqliyyat hadisəsi baş verib.

Avtosfer.az xəbər verir ki, qəza Babək rayonunun Uzunoba kəndi ərazisində qeydə alınıb.

Belə ki, "Mercedes" markalı minik avtomobili ilə "Hyundai" markalı avtobus toqquşub.

Qəza nəticəsində 2007-ci il təvəllüdlü Kənan Babək oğlu Rüstəmov, 2006-cı il təvəllüdlü Kamran Vüqar oğlu Sadıqov və 1963-cü il təvəllüdlü Tamara Yusif qızı Tağıyeva müxtəlif dərəcəli bədən xəsarətləri alıblar.

Yaralılar Naxçıvan Muxtar Respublikası Xəstəxanasına çatdırılıblar. Faktla bağlı araşdırma aparılır./unikal