“Mercedes” digər maşına çırpılaraq dərəyə aşıb - İmişlidə

İmişlidə sürücünün xəsarət alması ilə nəticələnən yol qəzası baş verib. Avtosfer.az “Report”a istinadən xəbər verir ki, hadisə ötən gün axşam saatlarında rayonun Bəcirəvan kəndi ərazisində qeydə alınıb.

İmişlinin Qaravəlli kənd sakini, 36 yaşlı Yəhya Babək oğlu Əhmədov idarə etdiyi “Mercedes” markalı avtomobillə hərəkətdə olarkən qarşıda gedən maşına çırpılıb. Nəticədə “Mercedes” yoldan çıxaraq dərəyə yuvarlanıb. Hadisə zamanı müxtəlif dərəcəli bədən xəsarətləri alan Yəhya Əhmədov İmişli Rayon Mərkəzi Xəstəxanasına çatdırılıb.

Faktla bağlı İmişli rayon Polis şöbəsində araşdırma aparılır.