“Mercedes” dirəyə dəyib aşdı; ardınca iki avtomobil də qəzaya düşdü - VİDEO

Bakı-Sumqayıt yolunun 17-ci kilometrliyində (Bakı istiqamətində) zəncirvari yol-nəqliyyat hadisəsi baş verib.

Baş Dövlət Yol Polisi İdarəsindən Avtosfer.az-ın sorğusuna cavab olaraq bildirilib ki, qəza dekabrın 29-da saat 03:00 radələrində qeydə alınıb: “Belə ki, Əliyev Nurlan Umudvar oğlunun idarə etdiyi 99-FP-276 dövlət nömrə nişanlı “Mercedes” markalı avtomobil idarəetmədən çıxaraq işıq dirəyinə çırpılıb və aşıb. Hadisədən həmən sonra İsmayılov Samir Ənvər oğlunun idarə etdiyi 19-AB-189 dövlət nömrə nişanlı “MAN” markalı yük maşını və 99-UF-652 dövlət nömrə nişanlı “Opel” markalı avtomobil aşmış işıq dirəyinə dəyərək qəzaya düşüb”.

Qeyd edək ki, faktla bağlı araşdırma aparılır. 

Nərmin