"Mercedes" və "KİA" toqquşdu, xəsarət alanlar var - FOTO

Gəncədə iki nəfərin xəsarət alması ilə nəticələnən yol qəzası baş verib. Avtosfer.az APA-ya istinadən xəbər verir ki, hadisə Gəncə-Göygöl avtomobil yolunun Gülüstan qəsəbəsindən keçən hissəsində qeydə alınıb. "Mercedes" və "KİA" markalı avtomobillərin toqquşması nəticəsində iki nəfər 1986-cı il təvəllüdlü Seymur Bayramov və 1983-cü il təvəllüdlü Tural Kazımov müxtəlif bədən xəsarətləri alaraq Gəncə şəhər Təcili Tibbi Yardım xəstəxanasına yerləşdiriliblər. Onlardan birinin vəziyyəti ağır, digərinin vəziyyəti isə orta ağır qiymətləndirilir. İlkin tibbi yardım göstərilən yaralılardan vəziyyəti ağır olan Seymur Bayramov şəhərdəki özəl xəstəxanalardan birinə göndərilib.

Faktla bağlı Gəncə şəhər Baş Polis İdarəsində araşdırma aparılır.