“Mercedes” yük maşını ilə toqquşdu: 4 nəfər öldü - FOTO

Rusiyanın Perm vilayətində iki nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, hadisə oktyabrın 11-də səhər saatlarında Perm-Ekaterinburq magistralının 102-ci kilometrliyində qeydə alınıb. Bu barədə Daxili İşlər Nazirliyinin regional Baş İdarəsindən məlumat verilib.

Bildirilir ki, “Mercedes-Benz” markalı minik avtomobilinin sürücüsü ötmə əməliyyatı zamanı yolun əks istiqamətinə çıxıb və qarşıdan gələn yük maşını ilə toqquşub.

Qəza nəticəsində minik avtomobilinin sürücüsü və onun üç sərnişini hadisə yerində ölüblər.

Faktla bağlı araşdırma aparılır.

Namiq Musayev