“Mercedes”lə “Hyundai” toqquşdu: 1 ölü, 1 yaralı - Göyçayda

Göyçay rayonunda bir nəfərin ölümü, bir nəfərin ağır xəsarət alması ilə nəticələnən yol-nəqliyyat hadisəsi baş verib. Avtosfer.az-ın APA-ya istinadən xəbərinə görə, hadisə bu gün saat 15:00 radələrində Göyçay-Bərgüşad avtomobil yolunun Kürdəmiş kəndi ərazisindən keçən hissəsində qeydə alınıb. “Mercedes” və “Hyundai” markalı minik avtomobillərinin toqquşması nəticəsində Məlikkənd kənd sakini Abbas Əliyev aldığı ağır xəsarətlər səbəbindən hadisə yerində dünyasını dəyişib. Müxtəlif dərəcəli bədən xəsarətləri alan bir nəfər sərnişin isə Göyçay rayon Mərkəzi Xəstəxanasına çatdırılıb. Hazırda onun vəziyyəti ağır olaraq qalır.

Faktla bağlı Göyçay rayon Polis Şöbəsi tərəfindən araşdırma aparılır.