Merin müavininin xidməti avtomobili qəzaya uğradı: 5 yaralı

Yerevan şəhəri merinin müavini David Ohanyanın xidməti avtomobilinin qəzaya uğraması nəticəsində 5 nəfər xəsarət alıb. Avtosfer.az “Report”a istinadən xəbər verir ki, qəza zamanı merin müavini avtomobildə olmayıb. Yaralılar xəstəxanaya yerləşdirilib. Sentyabrın 18-də səhər saatlarında Yerevan-Yerasx avtomobil yolunda “Hyundai Sonata” “Volkswagen”lə toqquşub.

Məlumata görə, qəzaya uğrayan “Hyundai Sonata” avtomobili Yerevan merliyinin balansındadır və David Ohanyana xidmət edir. Xəbərdə sürücü və sərnişinlərin kimliyi haqqında məlumat verilməyib.