"Mersedes" qəza törədib dayandı, ona "Reno" çırpıldı - VİDEO+FOTO

Yasamal rayonunda yol nəqliyyat hadisəsi baş verib. Avtosfer.az arbtv-yə istinadən xəbər verir ki, qəza Moskva prospektində yerləşən körpüdə qeydə alınıb. Şəhər istiqamətində hərəkətdə olan Nicat adlı sürücünün idarə etdiyi “Reno” markalı avtomobil qarşısında olan “Mercedes” markalı avtomobilə çırpılıb. Xəsrət alan “Reno”nun sürücüsü və sərnişi təcili tibbi yardım avtomobili ilə xəstəxanaya çatdırılıb.

Hadisə şahidlərinin sözlərinə görə, “Mercedes” hadisə zamanı yol kənarında hərəkətsiz vəziyyətdə dayanıb. Belə ki, qəzadan bir neçə saat əvvəl həmin avtomobilə başqa maşın arxadan çırpılıb.

Sürücü isə avtomobili körpünün üzərində saxlayaraq gedib və yol kənarına heç bir xəbərdaredici nişan qoymayıb. Qəzanın dəqiq baş vermə səbəbləri təyin olunan avtotexniki ekspertizanın rəyindən sonra məlum olacaq.