"Mersedes" su quyusuna düşdü – FOTO+VİDEO

Gecə saatlarında Bakı-Şamaxı-Yevlax yolunun Qobustan rayonu ərazisindən keçən hissəsində yol qəzası baş verib. Avtosfer.az ARB Şəki-yə istinadla xəbər verir ki, Şəki rayonu Göynük kənd sakini Habil Şərifovun idarə etdiyi "Mersedes" markalı avtomobil yoldan çıxaraq aşıb. Sürücünün sözlərinə görə, avtomobil yolun kənarındakı qoruyucu beton plitələrə dəyərək istiqamətini dəyişib və yolun solundakı su quyusuna düşüb. Yaralanan sürücü təcili-tibbi yardım avtomobili ilə Qobustan Rayon Mərkəzi Xəstəxanasına aparılıb. Vəziyyətinin normal olduğu bildirilir. Habil Şərifov - Sürücü: "Özüm yaxşıyam. Sinəmdə ağrı var. İndi həkimə gedirəm". Hadisənin dəqiq səbəbləri araşdırılır.