Məşhur aktyor ölümdən döndü - ANBAAN VİDEO

Məşhur türkiyəli aktyor Halil Ergün Şişlidə avtomobili ilə hərəkətdə olarkən qəza törədib. O, ayağı qaz pedalına ilişdiyi üçün idarəetməni itirib, bitişik zolaqda olan avtomobilə çırpılıb.

Avtosfer.az "Haber Global"a istinadən xəbər verir ki, məşhur aktyorun törətdiyi qəza anı təhlükəsizlik kameralarına düşüb.

Hadisə nəticəsində xəsarət alan olmayıb. Qəzanın şoku ilə avtomobilindən düşən Ergün ətrafdakılara hadisənin necə baş verdiyini izah edib. Polis hadisə ilə bağlı araşdırma aparıb və protokol tərtib edib.

Məşhur aktyor daha çox "Yarpaq dökümü" serialında canlandırdığı Ali Rza obrazı ilə tanınır.