Məşhur çinli memarın olduğu təyyarə qəza etdi

Dünyaşöhrətli çinli memar Kongjian Yu və rejissorlar Luis Ferras və Rubens Crispim Jr-ın olduğu təyyarə Braziliyanın Aqidauana şəhəri yaxınlığında qəzaya uğrayıb.

Avtosfer.az xəbər verir ki, bu haqda “Metrópoles” məlumat yayıb.

Təyyarə zərbə zamanı partlayıb. Qəza ucqar ərazidə baş verib, bu da təcili yardım xidmətlərinin işini çətinləşdirib.

Təyyarədə olan hər kəsin öldüyü bildirilir.

Qeyd edildiyi kimi, 62 yaşlı memar Kongjian braziliyalı rejissor Ferrasla birlikdə “Süngər şəhərlər” haqqında film üzərində işləyib. Crispim Jr həmkarı kimi, sənədli filmlərin çəkilişi ilə məşğul idi.